Z palitviaźnia Juryja Hryhiera źniali abvinavačvańni i adpuścili ŭ zali suda
Siońnia ŭ sudzie Leninskaha rajona Hrodna razhladzieli spravu 59-hadovaha muzyki hurtoŭ «Kontur» i «Hard Blues Shot», a taksama ŭładalnika kramy «Šoŭtajm» Juryja Hryhiera.
03.08.2022 / 20:07
Jaho abvinavačvali pavodle art. 369 Kryminalnaha kodeksa «Abraza pradstaŭnika ŭłady» za post u Facebook, jaki mužčyna napisaŭ u 2020 hodzie.
Suddzia Rusłan Huryn źniaŭ z palitviaźnia ŭsie abvinavačańni. Muzyku vyzvalili z-pad varty ŭ zali suda, piša @Grodno_grab.
Abhruntavańnie rašeńnia nieviadoma. Taki vyrak suda pa palityčnych spravach zdaraŭsia ŭžo praz termin daŭniny.