Xiaomi pakazała hadžet, jaki dazvolić kiravać razumnym domam siłaj dumki
Kitajskaja kampanija Xiaomi pradstaviła paviazku na hałavu Xiaomi Mi, jakaja dazvolić karystalnikam kiravać elemientami razumnaha doma siłaj dumki.
04.08.2022 / 19:49
Pa słovach kampanii, Migu Headband — heta prajekt, jaki pieramoh u trecim anłajn-chakatonie Xiaomi Group. Pryłada dazvolić karystalnikam nie tolki kiravać razumnym domam z dapamohaj mazhavych chvalaŭ, ale taksama zmoža adsočvać stomlenaść, naprykład padčas kiravańnia.
Raspracoŭščyki Migu Headband abstalavali paviazku tryma datčykami, jakija sčytvajuć elektryčnyja sihnały, pasyłanyja mozham. Akramia taho, hadžet zdolny pravodzić elektraencefałahrafiju karystalnika.