Žychar Słucka pabudavaŭ płyt i razam z unukami čyścić raku
Słucki łodačnik Alaksandr Bierazoŭski ŭ dobraje nadvorje razam z unukami adpraŭlajecca na ačystku Słučy ad zaraśnikaŭ, piša kurjer.info.
06.08.2022 / 08:07
Płyt jon zrabiŭ sam — z došak i płastykavych kanistraŭ. Dla taho, kab dastavić jaho da raki, zbudavaŭ śpiecyjalny srodak na kołach, jaki macujecca da rovara.
«Čyścim Słuč, kab nie zarastała, — kaža Alaksandr. — Voś i ŭnukaŭ pryvučaju, kab biez spravy nie boŭtalisia. Dy jašče i ŭroki bataniki im daju: biełyja harłačyki tut irvać nielha, jany ŭ Čyrvonuju knihu zaniesieny».