Мастачка стварыла мазаіку ў гонар беларускіх палітвязняў
Мастачка Караліна Палякова сумесна з Politzek.me да 9 жніўня стварыла мазаіку ў гонар беларускіх палітвязняў.
10.08.2022 / 17:19
У мазаіцы бачныя сюжэты сучаснай Беларусі:
- людзі ў камерах;
- блізкія, якія нясуць перадачы;
- бусел, які ляціць з лістом;
- жанчыны з кветкамі;
- беларусы і беларускі на маршах.
Натхнілі мастачку на стварэнне мазаікі вядомыя работы «Мінск — горад мастацтва» і «Мінск — горад навукі». На іх выяўленыя мастакі і мастачкі, навукоўцы, выбітныя дзеячы і дзяячкі культуры. Многія з творчых людзей цяпер знаходзяцца за кратамі.