FBR pry pieratrusie ŭ majontku Trampa vyjaviła 11 kamplektaŭ sakretnych dakumientaŭ
Siarod vyjaŭlenych pry pieratrusie ŭ majontku byłoha prezidenta ZŠA Donalda Trampa dakumientaŭ byli niekalki z paznakaj «zusim sakretna», piša The Wall Street Journal. Vyjaŭlenyja dakumienty pavodle zakonu mohuć zachoŭvacca tolki ŭ śpiecyjalnych uradavych pamiaškańniach. Pieratrus pravodziŭsia ŭ majontku Mar-a-Łaha ŭ Fłarydzie.
12.08.2022 / 20:45
Niekatoryja z dakumientaŭ, jak paviedamlajecca, utrymlivajuć infarmacyju pra francuzskaha prezidenta Emaniuela Makrona.
Padčas pieratrusaŭ supracoŭniki FBR šukali ŭ tym liku sakretnyja dakumienty, jakija tyčacca jadziernaj zbroi, paviedamlaŭ raniej The Washington Post. Krynicy haziety śćviardžali, što źviestki ab jadziernaj zbroi dastupnyja vuzkamu kołu asob i ich publikacyja moža dazvolić krainam-praciŭnikam znajści sposaby procidziejničać najaŭnym sistemam.