Łukašysty zajavili, što zatrymali «najomnika i ŭkrainskaha špijona»
U adnym z łukašysckich kanałaŭ źjaviłasia «pakajannaje videa» z mužčynam, jaki abvinavačvajecca ŭ tym, što vajavaŭ va Ukrainie i źjaŭlajecca ahientam ukrainskich śpiecsłužbaŭ.
12.08.2022 / 22:17
Skrynšot ź videa. Mužčyna na im u ciažkim fizičnym stanie
Pavodle HUBAZiKa, biełarus vajavaŭ suprać niepryznanaj «DNR» z 2019 hoda, byŭ tam «zavierbavany supracoŭnikami USU», a ŭ Biełarusi nibyta zajmaŭsia zboram raźviedvalnych źviestak. Demanstrujucca taksama tatuiroŭki, adna ź jakich z ukrainskim tryzubam.
Suprać chłopca, jak śćviardžajecca, zaviedziena adrazu niekalki kryminalnych spraŭ.
Na videa małady mužčyna — u kiepskim fizičnym stanie, ź ciažkaściu havoryć.
Jak vyśvietliła «Naša Niva», chłopca kličuć Jarasłaŭ Sakovič. Viadoma, što niejki čas jon žyŭ va Ukrainie.
U «pakajannym» videa chłopiec kaža, što ŭ 2019 hodzie dałučyŭsia da ŭkrainskaha dabravolčaha farmavańnia, pryjechaŭ u Maryupal i byŭ kulamiotčykam. Paśla kaža, što nibyta byŭ infarmataram SBU ŭ Biełarusi i dakładvaŭ im pra pieramiaščeńnie vajskovaj techniki pa krainie, za što, byccam by, atrymlivaŭ hrošy.
Viadomy režymny prapahandyst Alaksandr Špakoŭski zaklikaje ŭ svaim kanale pakarać jaho śmierciu.
Tak Jarasłaŭ Sakovič vyhladaŭ da aryštu.