«Raniej niedachopaŭ nie vyjaŭlali»: MZS Litvy nakiravała pratest u suviazi z prypynieńniem pracy litoŭskaj škoły
Ministerstva zamiežnych spraŭ Litvy ŭ piatnicu vykazała notu pratestu ŭ suviazi z prypynieńniem dziejnaści Pialaskaj litoŭskaj škoły ŭ Voranaŭskim rajonie, paviedamlaje Delfi.lt.
13.08.2022 / 09:37
Pialaskaja litoŭskaja škoła
Ministerstva pakazvaje, što nakiravała ŭ pasolstva Biełarusi ŭ Vilni aficyjnuju notu, u jakoj vyjaŭlajecca «pratest suprać dziejańniaŭ biełaruskich uładaŭ, nakiravanych na zakryćcio litoŭskaj siaredniaj škoły ŭ Pielasie, jakaja ŭtrymlivajecca litoŭskaj dziaržavaj».
«Hetyja dziejańni zjaŭlajucca praciaham metanakiravanaj dziejnaści biełaruskich uładaŭ pa likvidacyi lituanistyčnaj adukacyi ŭ Biełarusi i parušajuć dvuchbakovyja pahadnieńni pamiž Litvoj i Biełarussiu, a taksama mižnarodnyja kanviencyi, jakija ŭstanaŭlivajuć prava pradstaŭnikoŭ nacyjanalnych mienšaściaŭ na navučańnie na rodnaj movie», — pakazvaje MZS.
Słužbovyja asoby Inśpiekcyi dziaržaŭnaha pažarnaha nahladu Biełarusi, jakija naviedali ŭ čacvier litoŭskuju siaredniuju škołu Pielasy, vyjavili mahčymyja parušeńni i prypynili jaje dziejnaść. «Nam viadoma, što ŭčora supracoŭniki pažarnaj inśpiekcyi naviedali i zafiksavali mahčymyja parušeńni ŭ siaredniaj škole Pielasy. Uniesiena prapanova prypynić dziejnaść škoły da likvidacyi vyjaŭlenych niedachopaŭ.
Źviartajem uvahu, što padčas papiarednich naviedvańniaŭ słužbovyja asoby takich niedachopaŭ nie vyjavili» — paviedamiła litoŭskaje Ministerstva adukacyi, navuki i sportu ŭ piatnicu.
Siaredniaja škoła dziejničała z 1992 hoda, jana była pabudavanaja na srodki Litvy i całkam utrymlivajecca joju. Litva abiacaje praciahvać finansavańnie hetaj ustanovy.