Biełaruski port u Rasii płanujuć dabudavać da kanca 2022 hoda
Pra toje, što biełaruski port u Rasii płanujuć dabudavać užo da kanca 2022 hoda, raskazali ŭ viačernim efiry STV. Prytym nie zabylisia adznačyć, što heta «pabje ŭsie rekordy chutkaści».
14.08.2022 / 23:23
11 žniŭnia premjer-ministr Raman Hałoŭčanka skazaŭ, što rašeńnie pa biełaruskaj porcie ŭ Rasii pryniata. Adnak nie ŭdakładniŭ, dzie dakładna jaho budujuć i kolki kaštuje hety prajekt. Było tolki viadoma, što jon budzie raźmiaščacca ŭ Paŭnočna-Zachodnim rehijonie Rasii. Zaraz detalaŭ stała krychu bolš: skončyć budaŭnictva płanujecca sioleta.
A da taho času biełaruskija eksparciory karystajucca rasijskimi partami. U pieršym paŭhodździ praź ich prajšło, jak skazali na STV, kala 2 miljonaŭ ton biełaruskich hruzaŭ, prytym, maŭlaŭ, «taryfy na pieravałku hruzaŭ Made in Belarus maksimalna vyhadnyja». Kankretnyja ličby nie nazyvalisia.