«Ja chaču pasłać usich za ruskim karablom». Tak adkazała maci Dzianisa Ivašyna na pytańnie prapahandystki, čamu jana pryjšła na sud nad synam
Praŭładnaja žurnalistka spytała maci palitviaźnia Dzianisa Ivašyna, navošta jana pryjšła da budynka suda. Žančyna adkazała, što choča «pasłać usich za ruskim karablom», paviedamlaje «Viasna».
15.08.2022 / 17:21
Dzianis Ivašyn znachodzicca za kratami ŭžo 521 dzień. Supracoŭniki KDB zatrymali jaho 12 sakavika 2021 hoda. Adrazu Ivašyn prachodziŭ padazravanym pa art. 365 KK (umiašańnie ŭ dziejnaść supracoŭnika orhanaŭ unutranych spraŭ), paźniej jamu vystavili abvinavačvańnie jašče i pa č. 1 art. 356 KK (zdrada dziaržavie). A niadaŭna KDB abvinavaciŭ Dzianisa ŭ supracoŭnictvie z ukrainskaj raźviedkaj.
Razhlad spravy Ivašyna pačaŭsia siońnia ŭ Hrodzienskim abłasnym sudzie. Sprava słuchajecca ŭ zakrytym režymie.