U dvary ŭ Navapołacku pafarbavali łaŭki ŭ kolery rasijskaha ściaha
Čytačy «Radyjo Svabody» napisali, što ŭ dvary pa vulicy Maładziožnaja, 203 u Navapołacku pafarbavali łaŭki ŭ kolery ściaha Rasii. A niekatoryja inšyja — u kolery aficyjnaha ściaha Biełarusi.
21.08.2022 / 15:57
Žychary abvinavačvajuć u hetym staršyniu žyłlovaha kaapieratyva, jaki nibyta patraciŭ na heta hrošy, što źbiraje z žycharoŭ na «dobraŭparadkavańnie» prydamavoj terytoryi. Paśla niekalkich skarhaŭ łaŭki pafarbavali ŭ niejtralnyja kolery, ale zatym znoŭ pierafarbavali pad rasijski ściah.
Žychary doma adznačajuć, što zdavali hrošy na sapraŭdnaje ŭparadkavańnie terytoryi, a nie na publičnuju padtrymku rasijskaj palityki.