Сігнал радыяцыйнай небяспекі — звон у набат. Ва Украіне ўвялі новыя сігналы трывогі ў сувязі з рознымі відамі пагроз
Новыя сігналы, якія папярэджваюць пра хімічную, радыяцыйную небяспеку і пра эвакуацыю з горада, увялі ва Украіне, паведамляе Рада нацыянальнай бяспекі і абароны.
21.08.2022 / 16:27
Фота: АР
«Сігнал хімічнай небяспекі — гук царкоўных званоў.
Сігнал радыяцыйнай небяспекі — звон у набат.
Сігнал эвакуацыі з горада гучыць як гудок цягніка», — удакладняецца ў паведамленні ведамства.
З 22 па 26 жніўня ўсім супрацоўнікам урадавага квартала Кіева рэкамендуюць працаваць з дому.
У сувязі з Днём незалежнасці і Днём дзяржаўнага сцяга Украіна чакае на наступным тыдні новыя жорсткія атакі расіян.