Siamju pravasłaŭnaha śviatara pieraśledujuć za pieraposty ŭ sacsietkach
Viadoma, što padčas relihijnych śviataŭ zatrymali žonku pravasłaŭnaha śviatara i pahražali joj źniavoleńniem da suda, jaki musiŭ adbycca ŭžo paśla śviataŭ, pra heta paviedamlaje supołka «Chryścijanskaja vizija».
26.08.2022 / 12:17
Imia śviatara i miesca žycharstva ŭ metach biaśpieki nie nazyvajucca.
Pavodle art. 19.11 KaAP («Vyrab, raspaŭsiudžvańnie i (albo) zachoŭvańnie ekstremisckich materyjałaŭ») joj prysudzili štraf «u pamiery siaredniaha biełaruskaha miesiačnaha zarobku», a taksama kanfiskavali telefon. Nahodaj staŭ fotazdymak śviatara ŭ sacsietkach z łahatypam ŚMI, jakoje ŭ Biełarusi pryznanaje «ekstremisckim».
Paśla hetaha matušku vyklikali na prafiłaktyčnyja hutarki, pahražali aryštam jaje i muža, a taksama tym, što pastaviać siamju na ŭlik jak «sacyjalna-niebiaśpiečnuju». Taksama viadoma, što ŭłady zacikavili inšyja fotazdymki ŭ sacsietkach i bieła-čyrvona-biełaje i žoŭta-błakitnaje spałučeńnie koleraŭ u domie śviatara.