U Minsku namieśnik dyrektara škoły ŭładkavaŭ na pracu «miortvuju dušu»
U Minsku namieśnika dyrektara škoły vinavaciać u kradziažy za toje, što jon pieraličvaŭ zarobak prybiralščycy svajoj cieščy, jakaja nie pracavała va ŭstanovie.
29.08.2022 / 15:18
Prakuratura Frunzienskaha rajona Minska nakiravała ŭ sud kryminalnuju spravu ŭ dačynieńni da 46-hadovaha miascovaha žychara — jaho abvinavačvajuć u kradziažy šlacham złoŭžyvańnia słužbovymi paŭnamoctvami (častka 1 artykuła 210 KK).
U paviedamleńni havorycca, što namieśnik dyrektara adnoj sa škoł u Minsku z červienia 2019 hoda da červienia 2021 hoda ŭnosiŭ iłžyvyja źviestki ŭ tabiel uliku pracoŭnaha času prybiralščycy, jakoj značyłasia jaho ciešča. Pry hetym jana ŭ škole nie prybirała.
U viedamstvie adznačajuć, što zarobak naličvali na kartu žančyny, a traciŭ hrošy abvinavačany. Za 2 hady prybiralščycy pieraličyli kala 5 tysiač rubloŭ — namieśnik dyrektara škoły całkam kampiensavaŭ škodu. Ciapier abvinavačany znachodzicca pad padpiskaj ab niavyjeździe.