Jeŭrasajuz rychtuje strukturnuju reformu rynku elektraenierhii
Jeŭrasajuz płanuje «ekstranaje ŭmiašańnie» z metaj źnižeńnia imklivaha rostu cen na elektraenierhiju, zajaviła 29 žniŭnia staršynia Jeŭrakamisii Ursuła fon der Lajen.
29.08.2022 / 17:37
«My pracujem nad ekstrannym umiašańniem i strukturnaj reformaj rynku elektraenierhii», — skazała fon der Lajen. Detali płana jašče dapracoŭvajucca, ale Jeŭrakamisija moža ahučyć jaho ŭžo na hetym tydni.
Fon der Lajen taksama zajaviła, što JeS maje namier inviestavać 300 młrd jeŭra ŭ zialonuju enierhietyku ŭ ramkach namahańniaŭ pa admovie ad rasijskich nafty i hazu.
Raniej namieśnik staršyni Rady Biaśpieki Rasii Dźmitryj Miadźviedzieŭ na fonie rezkaha padaražańnia hazu ŭ JeS zajaviŭ, što ŭzimku jaho košt moža dasiahnuć 5000 dalaraŭ za tysiaču kubamietraŭ. Z-za padaražańnia elektryčnaści i hazu na minułym tydni niekatoryja chimičnyja zavody ŭ Jeŭropie pačali prypyniać vypusk uhnajeńniaŭ.