Na dziciačym piure zjavilisia partrety Janki Kupały i Jakuba Kołasa
Z nahody 140-hoddzia sa dnia naradžeńnia Janki Kupały i Jakuba Kołasa brend «Łožka v ładoškie» vypuściŭ limitavanuju liniejku piure ŭ śpiecyjalnaj upakoŭcy — z partretami biełaruskich kłasikaŭ.
04.09.2022 / 16:07
«Kali paprasić dziaciej pieraličyć biełaruskich piśmieńnikaŭ, jany abaviazkova nazavuć Janku Kupału i Jakuba Kołasa. Ich tvory, idei, vieršavanyja radki — nazaŭsiody ŭ našych sercach», — kamientujuć supracoŭniki «Łožka v ładoškie».
Na ŭpakoŭcy piure, akramia partretaŭ, jość cytaty z tvoraŭ kłasikaŭ: «Nie šukaj ty ščaścia, doli na čužym dalokim poli» (Janka Kupała), «Niachaj nadzieja haryć u sercy i macnieje» (Jakub Kołas).