«Рамка не таго колеру». Кіраўніцу «Пазітыўнага руху» аштрафавалі на 100 базавых
Супрацоўніцу беларускага грамадскага аб'яднання «Пазітыўны рух» Таццяна Пячко затрымалі 3 верасня разам з выкладчыкам БДМУ Уладзімірам Пікірэнем. Як пісаў Уладзімір, міліцыянтам не спадабаўся колер рамкі нумароў машыны, у якой яны ехалі.
05.09.2022 / 19:54
Пазней Пікірэню адпусцілі, а на Пячко склалі пратакол па артыкуле 24.23 КаАП (Парушэнне парадку арганізацыі або правядзення масавых мерапрыемстваў).
Сёння стала вядома, што Таццяне прысудзілі 100 базавых штрафу (3200 BYN). Пра гэта паведаміў у фэйсбуку Уладзімір Пікірэня.