Niekatoryja vulicy ŭ centry Minska na vychadnych pierakryjuć
U subotu i niadzielu 10 i 11 vieraśnia ŭ suviazi sa śviatkavańniem Dnia horada ŭ Minsku budzie abmiežavany ruch transpartu na niekatorych vulicach, paviedamiła UDAI HUUS Minharvykankama.
07.09.2022 / 17:02
10 vieraśnia z 12:00 da 15:00 budzie zabaronieny ruch transpartu pa praśpiekcie Pieramožcaŭ ad vulicy Lenina da vulicy Mielnikajcie.
Z 20:00 10 vieraśnia da 15:00 11 vieraśnia abmiažoŭvajecca ruch transpartu pa vulicy Kirava ad vulicy Lenina da vulicy Vaładarskaha.
11 vieraśnia ruch transpartu budzie zabaronieny:
- z 7:00 da 12:00 pa praśpiekcie Niezaležnaści ad vulicy Janki Kupały da płoščy Pieramohi, uklučajučy kruhavuju raźviazku;
- pa miascovym prajeździe praśpiekta Niezaležnaści ad vulicy Kisialova da vulicy Kamunistyčnaj;
- pa vulicy Kamunistyčnaj ad vulicy Čyrvonaj da miascovaha prajezdu praśpiekta Niezaležnaści;
- pa vulicy Kujbyšava ad vulicy Kamunistyčnaj da vulicy Janki Kupały;
- pa vulicy Janki Kupały ad vulicy Kujbyšava da vulicy Maksima Bahdanoviča;
- pa vulicy Staražoŭskaj;
- pa praśpiekcie Mašerava ad vulicy Staražoŭskaj da praśpiekta Pieramožcaŭ;
- pa praśpiekcie Pieramožcaŭ ad vulicy Arłoŭskaj da vulicy Niamiha;
- pa vulicy Lenina ad praśpiekta Pieramožcaŭ da vulicy Internacyjanalnaj.
Z 7:00 da 13:00:
- pa vulicy Kirava ad vulicy Vaładarskaha da vulicy Śviardłova;
- pa vulicy Śviardłova ad vulicy Kirava da praśpiekta Niezaležnaści;
- pa praśpiekcie Niezaležnaści ad vulicy Babrujskaj da vulicy Janki Kupały;
- pa vulicy Lenina ad vulicy Internacyjanalnaj da praśpiekta Niezaležnaści.
Z 11:00 da 13:00
- na ŭčastku vulicy Janki Kupały ad praśpiekta Niezaležnaści da vulicy Internacyjanalnaj;
- na vulicy Internacyjanalnaj ad vulicy Janki Kupały da vulicy Lenina.
Akramia hetaha, u noč na 9 vieraśnia z 00:00 da 02:00 zabaraniajecca ruch transpartu pa praśpiekcie Pieramožcaŭ ad vulicy Lenina da vulicy Mielnikajcie. U hety čas tut budzie pravodzicca hienieralnaja repietycyja.