Ukrainski ambudśmien: Rasijski bok viarnuŭ cieła brytanca Poła Ury sa śladami katavańniaŭ
Upaŭnavažany Viarchoŭnaj Rady Ukrainy pa pravach čałavieka Dźmitryj Łubiniec paviedamiŭ, što rasijski bok viarnuŭ źniaviečanaje cieła hramadzianina Vialikabrytanii Poła Ury, pra śmierć jakoha ŭ pałonie na akupavanaj terytoryi Danieččyny stała viadoma ŭ lipieni.
07.09.2022 / 22:43
Poł Ury
«U lipieni my bačyli zajavy rasijskich prapahandystaŭ pra śmierć Ury «u vyniku chvaroby i stresu», a siońnia, 7 vieraśnia, my atrymali źniaviečanaje cieła. Kančatkovuju pryčynu śmierci Poła Ury pacvierdzić sudova-miedycynskaja ekśpiertyza, paviedamili ŭ ambasadzie Vialikabrytanii va Ukrainie. Jak ambudśmien siońnia mahu z usioj adkaznaściu skazać, što takaja śmierć była hvałtoŭnaj. Takija katavańni čałaviek prosta nie vytrymaje. Ja bačyŭ fota cieła zahinułaha i sumnievaŭ niama», — napisaŭ Łubiniec u svaim telehram-kanale.
Jon adznačyŭ, što «zabojstva dobraachvotnika Poła Ury praz katavańni — heta vajennaje złačynstva, jakoje budzie jašče adnym dokazam padčas sudu nad rasijskim palityčnym i vajskovym kiraŭnictvam, dokazam u trybunale dla Pucina».