MARH: Zakon ab paralelnym imparcie amal hatovy
Zakonaprajekt ab paralelnym imparcie raspracavany i pieradadzieny va ŭrad Biełarusi na ŭzhadnieńnie. Pra heta paviedamiŭ ministr antymanapolnaha rehulavańnia i handlu Alaksiej Bahdanaŭ, pieradaje BiełTA.
08.09.2022 / 17:42
Alaksiej Bahdanaŭ
Pa słovach ministra, jon spadziavajecca, što pryniać zakon ab paralelnym imparcie ŭ Biełarusi atrymajecca da kanca hoda. Jon pavinien spraścić impart tavaraŭ, zabaronienych da ŭvozu ŭ Biełaruś z pryčyny zachodnich sankcyj, skazaŭ Bahdanaŭ na mižnarodnym forumie «Trejd dyjałoh» u Minsku.
Instytut paralelnaha impartu ŭžo pracuje ŭ Rasii. Jon praduhledžvaje ŭvoz u krainu tavaraŭ biez zhody pravaŭładalnika tavarnaha znaka (heta značyć, «paralelna» aficyjnamu impartu takich tavaraŭ praz dyleraŭ, upaŭnavažanych pravaŭładalnikam).
U hetym kankretnym vypadku, adnak, havorka idzie pra «paralelny» ŭvoz tavaraŭ tady, kali aficyjnyja pastaŭki adsutničajuć u pryncypie.