Dadajcie trochi kavy ŭ pralnuju mašynu i heta dapamoža zachavać koler. Jakim čynam?
Mnohija ludzi nie mohuć ujavić sabie ranicu biez kubka mocnaj čornaj kavy. Ale akazvajecca, jana dapamoža i pry myćci.
11.09.2022 / 18:07
Fota: Maksym Kozlenko/wikimedia.org
Byvaje, što čornaje adzieńnie hublaje svoj koler paśla niekalkich prańniaŭ niezaležna ad abranaha režymu. Ale heta možna vypravić z dapamohaj kavy!
Receptam padzialiłasia maci traich dziaciej Hanna:
«Ciomnaja vopratka chutka hublaje koler. Pavyšanyja tempieratury, praciahłyja prahramy myćcia, ultrafijaletavaje vypramieńvańnie i niekatoryja chimičnyja rečyvy ŭ paraškach robiać tak, što pihmient vymyvajecca z adzieńnia.
Jak z hetym zmahacca? Prosta dadajcie dva kubki śviežaj kavy ŭ baraban pralnaj mašyny na cykł pałaskańnia».
Heta dapamoža ciomnaj vopratcy zastavacca ciomnaj. Da taho ž, žančyna kaža, što adzieńnie nie budzie pachnuć kavaj. Kali vy chočacie pravieryć recept — pakładzicie ŭ mašynu staruju vopratku.
Ale pamiatajcie, što heta pracuje tolki dla ciomnaj vopratki! Na biełaj vopratcy mohuć źjavicca plamy, jakija budzie ciažka vydalić.