Hienštab USU: Rasija prypyniaje adpraŭku novych bajcoŭ va Ukrainu
Kamandavańnie vojskaŭ Rasijskaj Fiederacyi prypyniaje adpraŭku novych padraździaleńniaŭ na terytoryju Ukrainy. Značnaja kolkaść rasijskich dobraachvotnikaŭ na fonie paśpiachovaha kontrnastupleńnia USU admaŭlajucca prymać udzieł u bajavych dziejańniach. Pra heta ŭ paniadziełak, 12 vieraśnia, paviedamiła pres-słužba Hienieralnaha štaba USU ŭ fejsbuku.
12.09.2022 / 20:35
Fota: TASS
«Vajskovaje kamandavańnie Rasijskaj Fiederacyi prypyniaje adpraŭku novych užo sfarmavanych padraździaleńniaŭ na terytoryju Ukrainy», — havorycca ŭ paviedamleńni.
Pa źviestkach ukrainskaha Hienštaba, na rašeńnie prypynić adpraŭku novych padraździaleńniaŭ paŭpłyvała biahučaja situacyja na froncie, a taksama niedavier da vyšejšaha kamandavańnia Rasii — hetyja faktary ŭžo prymusili vialikuju kolkaść dobraachvotnikaŭ admovicca ad słužby.
Taksama ŭpłyŭ akazała infarmacyja ab kolkaści zahinułych z rasijskaha boku.
U Hienštabie adznačyli, što adpraŭka novych padraździaleńniaŭ abciažaranaja staŭleńniem da ŭłasnych paranienych: u špitalach RF, maŭlaŭ, naŭmysna spraščajucca dyjahnazy i charaktar traŭmaŭ, naležnym čynam nie pravodzicca reabilitacyja.