«Яго танец стаў вечным». У баі на Данеччыне загінуў заслужаны артыст Украіны
Намесніца галоўнага рэдактара выдання «Україна молода» Валянціна Самчанка паведаміла, што ў панядзелак на Данбасе ў баі з расійскімі акупантамі загінуў саліст балета Нацыянальнай оперы Аляксандр Шапавал.
13.09.2022 / 08:08
Валянціна Самчанка напісала:
«У баі пад Маёрскам Данецкай вобласці сёння, 12 верасня, загінуў Шапавал Аляксандр Мікалаевіч — заслужаны артыст Украіны, саліст балета Нацыянальнай оперы Украіны імя Тараса Шаўчэнкі».
Прыма-балерына Нацыянальнай оперы Кацярына Кухар пацвердзіла гэтую інфармацыю.
«Ён быў выдатным артыстам, кожная наша партыя была напоўненая такім жыццём… Таму што ён адзін з нямногіх, хто жыў сцэнай… А цяпер яго танец стаў вечным».