Biełstat raskazaŭ pra finansavyja vyniki arhanizacyj Biełarusi

Nacyjanalny statystyčny kamitet paličyŭ, jak spracavali arhanizacyi krainy za studzień—lipień 2022 hoda. Infarmacyja pra heta zjaviłasia na jaho sajcie.

14.09.2022 / 18:19

Rentabielnaść realizavanaj pradukcyi, tavaraŭ, rabot, pasłuh acanili ŭ 11,1%, a rentabielnaść prodažaŭ — u 8,8%. Pry hetym nie ŭličvali pracu bankaŭ, niabankaŭskich kredytna-finansavych arhanizacyj, Banka raźvićcia, strachavych i biudžetnych arhanizacyj, a taksama mikraarhanizacyj i małych arhanizacyj biez viedamasnaj padparadkavanaści.

Što tyčycca debitorskaj zapazyčanaści na 1 žniŭnia, to jana skłała 59,3 młrd rubloŭ, u tym liku praterminavanaja — 8,5 młrd, abo 14,3% ad ahulnaha abjomu. Na 1 lipienia hety pakazčyk byŭ krychu lepšy — 59,1 młrd.

Kredytorskaja zapazyčanaść za siem miesiacaŭ hetaha hoda akazałasia krychu vyšejšaj za 66 młrd rubloŭ, u tym liku praterminavanaja — 8,8 młrd, abo 13,3% ad ahulnaha abjomu. Na 1 lipienia kredytorskuju zapazyčanaść aceńvali ŭ 67,8 młrd.

Nashaniva.com