Što najbolš padaražeła za hod i patańnieła za žnivień
Ministerstva antymanapolnaha rehulavańnia i handlu apublikavała spravazdaču ab situacyi na spažyvieckim rynku ŭ žniŭni 2022 hoda. U joj taksama ŭtrymlivajecca infarmacyja ab praduktach, jakija najbolš padaraželi za hod.
14.09.2022 / 18:45
Što tyčycca hadavoha padaražańnia, to tut adnaznačny lidar — miasa i miasapradukty, jakija dadali ŭ canie adrazu 17,8%.
Na 15,9% vyras ceńnik ałkaholnych napojaŭ, małaka i małočnych praduktaŭ — plus 13,5%.
Značna pavialičyŭsia košt impartnych tavaraŭ: faktyčna na tracinu (+32,1%) padaraželi zamiežnyja sintetyčnyja myjnyja srodki, zamiežnyja krupy i babovyja — plus 28,9% za hod.
Cana na elektratavary prademanstravała rost u 26 pracentnych punktaŭ.
Statystyka za žnivień nastupnaja: u žniŭni 2022 hoda (u paraŭnańni z lipieniem) miasa i miasapradukty padaraželi na 1,4%, małako i małočnyja pradukty — na 1,9%.
Razam z tym, z-za siezonnaści, u žniŭni adrazu na 17,4% patańnieli harodnina i sadavina.
Lidar — pamidory, jakija patańnieli na 48,1%, dalej iduć bulba, jakaja skinuła ŭ canie 37,3%, i biełakačannaja kapusta — 36,6%.
Ahurki stali tańniejšymi na 34,2%, a jabłyki — usiaho na 4,4%.