Kiraŭnicu Jeŭrakamisii pačastavali kavunami i dyniami z vyzvalenych chiersonskich siołaŭ
Kiraŭnica Jeŭrakamisii Ursuła fon der Lajen siońnia znoŭ pryjechała ŭ Kijeŭ, užo treci raz ad pačatku vajny. I hetym razam ukraincy mieli čym jaje pačastavać, prademanstravaŭšy, što jeŭrapiejskaja padtrymka nie idzie na hłum.
15.09.2022 / 22:21
Ursule fon der Lajen uručyli parezanyja kavałki kavuna i dyni, prykłaŭšy da ich hety tekst:
«Dziakujučy mužnaści našych voinaŭ i staranna spłanavanym kontrnastupalnym dziejańniam Uzbrojenych Sił Ukrainy niadaŭna byli vyzvaleny piać nasielenych punktaŭ — Vysakapolle, Novavaźniasienskaje, Biełahorka, Miralubaŭka i Suchi Stavok.
Chiersonskaja vobłaść źjaŭlajecca adnym ź lidaraŭ pa vyroščvańni kavunoŭ i inšych bachčavych kultur. Chiersonskija kavuny viadomyja svajoj jakaściu daloka za miežami vobłaści — jany admietny dla rehijona pradukt charčavańnia.
Siońnia my chočam pačastavać vas kavunami i dyniami, vyraščanymi ŭ niadaŭna deakupavanych vioskach».