U Biełarusi budzie novaja kałonija-pasielišča
Adpaviedny ŭkaz zjaviŭsia na Nacyjanalnym pravavym partale. Kałonija zjavicca na miescy chimii ŭ Baranavičach.
16.09.2022 / 07:57
Likvidujuć papraŭčuju ŭstanovu adkrytaha typu №52. Na bazie majomaści, zamacavanaj za hetaj ustanovaj u Baranavičach pa vulicy Fralankova, stvarajecca PU «Papraŭčaja kałonija — pasielišča №10» upraŭleńnia Departamienta vykanańnia pakarańniaŭ MUS pa Bresckaj vobłaści.
«Chimija» — heta abmiežavańnie voli, a kałonija-pasialeńnie —pazbaŭleńnie voli — abodva pakarańnia ličacca «miakkimi». Tam možna žyć u internatach (ale za svoj košt i apłačvajučy kamunałku), nasić zvyčajnuju vopratku, karystacca telefonam, atrymlivać zavočna vyšejšuju adukacyju, niama abmiežavańniaŭ na spatkańni, pieradačy abo pasyłki.