Hiermanija ŭziała pad svoj kantrol naftapierapracoŭčyja zavody «Raśniefti»
Raniej pad dziaržkantrol trapili i aktyvy «Hazprama».
16.09.2022 / 14:59
Urad Niamieččyny zajaviŭ, što pieradaść niamieckija daččynyja kampanii «Rasnafty» pad dziaržkiravańnie. Asnoŭny aktyŭ kampanii — vialiki naftapierapracoŭčy zavod ŭ Šviedcie na ŭschodzie Hiermanii. Na zavody «Rasnafty» prypadała 12% niamieckaj naftapierapracoŭki.
«Dziaržkiravańnie maje na mecie procidziejańnie pahrozie biaśpiecy enierhazabieśpiačeńnia i zakładvaje važnuju asnovu dla zachavańnia i budučyni Šviedta», — zajaviła Ministerstva ekanomiki Niamieččyny ŭ piatnicu.
Hety krok aznačaje eskałacyju ekanamičnaha supraćstajańnia z Rasijaj. Heta vialiki rasijski enierhietyčny aktyŭ, jaki ŭrad Hiermanii ŭziaŭ pad svoj kantrol paśla napadu Rasii na Ukrainu. U krasaviku Bierlin pieradaŭ pad dziaržkiravańnie niamiecki hazavy biznes «Hazprama», Gazprom Germania GmbH.