«Heta 100% miasa, tolki jano vyrablena biez karovy». Vypuścili pieršy ŭ śviecie pradukt z kultyvavanaj marmurovaj jałavičyny
Izrailskaja kampanija Steakholders Foods, jakaja vypuściła pradukt, abviaściła: «Heta 100% miasa, tolki jano vyrablena biez karovy».
16.09.2022 / 19:39
Pradukt atrymaŭ nazvu Omakase Beef Bits. Jon składajecca ź niekalkich słajoŭ asobnych ciahlicavych i tłuščavych tkanin, vyraščanych z byčynych kletak.
Erzac-miasa stvaryli z vykarystańniem pieradavoj technałohii 3D-bijadruku. Pa zajavie kampanii, technałohija dazvalaje vyrablać porcyi miasa luboj formy i struktury, z roznymi malunkami i suadnosinami marmurovaści. Možna rehulavać taksama tłustaść i pažyŭnaść porcyi.
Kampanija Steakholder Foods pačała pracavać u 2019 hodzie i zajmajecca pošukam rašeńniaŭ dla vytvorčaści roznych praduktaŭ ź jałavičyny, miasa kurycy, śvininy i morapraduktaŭ biez zaboju, u jakaści alternatyvy žyviołahadoŭli i rybałoŭstvie.