U Salihorsku babula žorstka abyšłasia z małym unukam. Heta trapiła na videa
Učora ŭ internecie źjaviłasia videa, jak u Salihorsku žančyna žorstka abvychodzicca z maleńkim dziciem.
19.09.2022 / 10:14
Ranicaj 16 vieraśnia žančyna vyjšła ź dziciem hulać na vulicu. U dvary doma kamiery vonkavaha videanazirańnia zapisali momant, kali žančyna, sprabujučy pakłaści dzicia ŭ kalasku, pramachvajecca, małoje padaje na asfalt, žančyna hruba padymaje jaho, niekalki razoŭ bje i kidaje ŭ kalasku.
Milicyja ŭstanaviła asobu piensijanierki. Akazałasia, što heta babula małoha.
Vyśvietliłasia, što 32-hadovaja maci lažała ŭ balnicy sa starejšym dziciem. Tamu małodšaje zastałosia pad nahladam 64-hadovaj babuli.
Dzicia ahledzieli miedyki, z małym usie ŭ paradku. Pravodzicca pravierka.