Ciažka chvoramu palitviaźniu Paŭłu Kučynskamu pa vynikach apielacyi ździekliva «źmianili prysud»
2 vieraśnia ŭ Minskim abłasnym sudzie była razhledžanaja apielacyjnaja skarha Paŭła Kučynskaha. Pa vynikach jaje razhladu jamu skaracili termin na try miesiacy — z piaci hadoŭ źniavoleńnia da čatyroch hadoŭ i dzieviaci miesiacaŭ. Ale pry hetym dadali štraf u pamiery 120 bazavych vieličyń (3840 rubloŭ), piša «Viasna».
22.09.2022 / 16:22
Pieršapačatkovy prysud byŭ vyniesieny ŭ sudzie Vilejskaha rajona 7 červienia. Tady maładziečancu Paŭłu Kučynskamu, jakoha abvinavacili ŭ abrazach Łukašenki, pradstaŭnika ŭłady, suddzi, a taksama ŭ hvałcie albo pahrozie ŭžyvańnia hvałtu ŭ dačynieńni da supracoŭnika orhanaŭ unutranych spraŭ, sud pryznačyŭ 5 hadoŭ kałonii ŭzmocnienaha režymu.
Prysud pa ciapierašnich časach, na žal, užo dastatkova ardynarny, ale śpiecyfika ŭ tym, što Pavieł maje invalidnaść pieršaj hrupy, u jaho čacviortaja, to-bok apošniaja stadyja raku. Tamu takuju «źmienu prysudu» ciažka ŭsprymać inačaj, jak śviadomy ździek sa śmiarotna chvoraha čałavieka.
Adras dla listoŭ: Śledčaja turma №8, 222163, h. Žodzina, vuł. Savieckaja, 22A, Pavieł Andrejevič Kučynski.