Na Danbasie zahinuŭ rasijski kryminalny aŭtarytet
Rasijskija ŚMI paviedamlajuć, što na Danbasie zahinuŭ lidar arhanizavanaj złačynnaj hrupoŭki «Kuskoŭskija» Ihar Kusk. Da leta hetaha hoda jon adbyvaŭ u kałonii strohaha režymu 23-hadovy termin źniavoleńnia.
23.09.2022 / 20:03
Siońnia kryminalnaha aŭtaryteta, jakoha asudzili ŭ 2015 hodzie na 23 hady za zabojstvy i inšyja asabliva ciažkija złačynstvy, pachavali na radzimie pad Nižniakamskam u Tatarstanie na Alei Słavy haradskich mohiłak.
Pra heta paviedamili miascovyja ŚMI — «Biźnies Onłajn» i «Riealnoje vriemia».
Pa słovach udavy złačynca, Kusk pajšoŭ na front 25 lipienia i słužyŭ u šerahach «PVK Vahniera» ŭ rajonie Bachmuta.
Samaje hučnaje złačynstva, ździejśnienaje AZH «Kuskoŭskija», — zabojstva ŭ Kazani ŭ 2004 hodzie hiendyrektara kampanii «Tatsantechmantaž» Barysa Vajmana, zasłužanaha budaŭnika Tatarstana.