Kiraŭnik partała av.by zjechaŭ na Kipr, aścierahajučysia mabilizacyi
Hiendyrektar najbujniejšaha ŭ Biełarusi aŭtamabilnaha internet-partała av.by Dźmitryj Hieranin terminova zjechaŭ na Kipr, kab paźbiehnuć rasijskaj mabilizacyi.
23.09.2022 / 20:23
Dźmitryj Hieranin. Fota: geranin / Facebook
«Ja vielmi raźličvaju viarnucca ŭ Minsk, ale pakul tut, u Limasole», — łakanična napisaŭ Hieranin u fejsbuku. I paśla dadaŭ u kamientarach: «Skłaŭ žyćcio ŭ zaplečnik. I tak, kali padumać, mnie patrebna tolki brytva i zubnaja ščotka».
35-hadovy Dźmitryj Hieranin — hramadzianin Rasii, choć naradziŭsia u Estonii, adznačaje BAŽ. Paśla zakančeńnia Samarskaha dziaržaŭnaha ŭniviersiteta jon pracavaŭ ź internet-prajektami ŭ Maskvie.
U lutym 2017 hoda Hieranin pieriejechaŭ u Biełaruś i pačaŭ kiravać aŭtamabilnym partałam av.by.