«Pucin nie pasyłaje na vajnu svaich dziaciej. Zmahajciesia, kab na śmierć nie adpravili vašych»: Zialenski prakamientavaŭ pratesty ŭ Dahiestanie
Prezident Ukrainy častku svajho tradycyjnaha viečarovaha zvarotu zapisaŭ na ruskaj movie, źviarnuŭšysia da rasijanaŭ.
26.09.2022 / 07:54
«My bačym, što ludzi, u pryvatnaści, u Dahiestanie, pačali zmahacca za svajo žyćcio. My bačym, što jany pačynajuć razumieć, što heta pytańnie pra žyćcio, pra ich žyćci. Navošta ich mužam, bratam, synam hinuć na hetaj vajnie? Na vajnie, jakoj choča adzin čałaviek. Na vajnie suprać našaha naroda, na našaj ziamli. Jon ža nie pasyłaje na vajnu svaich dziaciej. Zmahajciesia za toje, kab nie adpravili na śmierć vašych dziaciej. Usich, kaho mohuć zabrać pad hetuju złačynnuju rasijskuju mabilizacyju.
Bo kali vy pryjdziecie zabirać žyćci našych dziaciej, ja vam skažu jak baćka: my vas žyvymi ŭžo nie adpuścim».