Расія запрасіла беларусаў паўдзельнічаць у кіраванні «кінутымі» еўрапейцамі кампаніямі
У Расіі могуць прыцягнуць беларускіх бізнэсоўцаў да кіравання кампаніямі, якія «кінулі» еўрапейцы пасля пачатку расійскага ўварвання ва Украіну. Пра гэта паведаміў у эфіры «Беларусь 1» пасол Беларусі ў Расіі Дзмітрый Круты.
26.09.2022 / 17:39
Дзмітрый Круты
Па словах Крутога, з расійскага рынку сышлі каля 950 буйных замежных кампаній. З яго слоў, для беларускага боку тут найбольшую цікавасць уяўляюць вытворчасці ў галіне хімічнай і лакафарбавай прамысловасці, машынабудаўнічых кампанентаў.
«Спадзяёмся, што да гэтага працэсу зможам падключыцца», — сказаў Круты.