U Kramli zajavili, što Pucin i Łukašenka nie abmiarkoŭvali pryznańnie Abchazii
Uładzimir Pucin i Alaksandr Łukašenka nie abmiarkoŭvali na pieramovach u Sočy pytańnie pryznańnia Biełarussiu samaabvieščanych Abchazii i Paŭdniovaj Asiecii. Pra heta zajaviŭ pres-sakratar prezidenta RF Dźmitryj Piaskoŭ, piša TASS.
29.09.2022 / 14:37
«Nie, hetyja temy nie byli na paradku dnia», — skazaŭ Piaskoŭ, adkazvajučy na adpaviednaje pytańnie žurnalistaŭ.
Nahadajem, 28 vieraśnia Alaksandr Łukašenka paśla pieramoŭ z Uładzimiram Pucinym niečakana naviedaŭ niepryznanuju respubliku Abchazija, jakuju Hruzija ličyć akupavanaj Rasijaj terytoryjaj. Padčas vizitu Łukašenka zajaviŭ, što napiaredadni ŭ Sočy jany z prezidentam RF «vielmi šmat, da nočy abmiarkoŭvali» Abchaziju.
Hruzija rezka asudziła dziejańni Łukašenki. Prezidentka Sałame Zurabišvili nazvała hety vizit «cyničnym padychodam», jaki parušaje ŭsie normy i pryncypy mižnarodnaha prava.