Na miažy Rasii ź Biełarussiu — pravierki i zatory, šukajuć mabilizavanych
Kiroŭcy paviedamlajuć ab pravierkach i zatorach na miažy Rasii ź Biełarussiu. Rasijskija ŭłady papiaredzili, što rasijan, jakija atrymali pozvy ŭ ramkach častkovaj mabilizacyi, z krainy nie vypuściać, piša Autonews.ru.
29.09.2022 / 16:44
Jak paviedamlajuć kiroŭcy, na trasach, jakija viaduć u Biełaruś, na terytoryi Rasii ŭžo pastavili vajskovyja pasty i ŭsich, chto sprabuje vyjechać, praviarajuć. Pa słovach vidavočcaŭ, z-za pravierak źbirajecca zator.
«Standartny maršrut, praz Smalensk na Minsk. Jašče da miažy zrazumieŭ, što mašyn u hetym kirunku ruchajecca vielmi šmat. U vyniku zator, dzieci ravuć, žonka niervujecca», — padzialiŭsia adzin z kiroŭcaŭ.
Na haračaj linii pa pytańniach mabilizacyi, jakuju adkryŭ rasijski ŭrad, paviedamili, što hramadzianam z pozvaj na rukach vyjezd z Rasii budzie zabaronieny. Usim astatnim vajennaabaviazanym rasijanam pierad padarožžam rekamiendavali spačatku źviarnucca ŭ vajenkamat pa miescy žycharstva.