Na miažy Biełarusi i Ukrainy praviali čarhovy rasijska-ŭkrainski abmien vajennapałonnymi
Pra čarhovy abmien vajennapałonnymi pamiž Ukrainaj i Rasijaj paviedamiŭ kiraŭnik Ofisa prezidenta Ukrainy Andrej Jarmak.
29.09.2022 / 19:38
Fota: t.me/ermaka2022
Va Ukrainu viarnulisia šeść čałaviek — čacviora marskich piechacincaŭ (aficery Alaksiej Bułachaŭ i Mikoła Kastenka, sałdaty Ludmiła Hierasimienka i Ivan Ziemlany) i dvoje cyvilnych (Viktoryja Andruša i Jana Majbarada).
Vajskoŭcy ŭdzielničali ŭ bajach za Maryupal. Majbaradu rasijanie zatrymali z-za fota ich techniki na terytoryi Čarnobylskaj zony, jakija znajšli ŭ jaje telefonie. Padobnaja situacyja była i z Andrušaj, jakaja pieradavała zdymki ŭkrainskim vajskoŭcam. Zatrymali jaje 27 sakavika, a paśla vyvieźli ŭ Rasiju, utrymlivali ŭ Kurskim SIZA.
Abmien adbyŭsia ŭ Čarnihaŭskaj vobłaści, na miažy ź Biełarussiu. Mienavita tam tydzień tamu ŭ vyniku abmienu va Ukrainu pierajšli bolš za 200 ukrainskich vajskoŭcaŭ, a siarod ich i bajcy pałka «Azoŭ».