Stołtenbierh: Ukraina zdolnaja adkinuć rasijskija vojski nazad
Hienieralny sakratar NATA Jens Stołtenbierh zajaviŭ, što najlepšy sposab supraćstajać rasijskaj anieksii — praciahvać padtrymlivać ukrainski ŭrad
02.10.2022 / 21:27
Viartańnie Ukrainaj kantrolu nad horadam na terytoryi, ab anieksii jakoj abviaściŭ prezident Rasii Uładzimir Pucin, demanstruje, što ukraincy damahajucca prahresu i zdolnyja adkinuć nazad rasijskija vojski, zajaviŭ 2 kastryčnika hienieralny sakratar NATA Jens Stołtenbierh.
«My bačyli, što jany zmahli ŭziać novy horad, Liman, i heta pakazvaje, što ŭkraincy damahajucca prahresu i zdolnyja adkinuć rasijskija vojski dziakujučy mužnaści, advazie, majsterstvu i, viadoma, dziakujučy sučasnaj zbroi, jakuju pastaŭlajuć ZŠA i inšyja sajuźniki», — zajaviŭ Stołtenbierh, vystupajučy ŭ prahramie «Sustreča z presaj» na kanale NBC.
Najlepšym sposabam supraćstajać abvieščanaj Rasijaj anieksii ŭkrainskich terytoryj zjaŭlajecca dalejšaja padtrymka ŭrada ŭ Kijevie, zajaviŭ Stołtenbierh.
Kamientujučy zajaŭku Ukrainy ab pryniaćci ŭ NATA ŭ paskoranym paradku, Stołtenberh skazaŭ, što «luboje rašeńnie ab členstvie pavinna być pryniata kansensusam usich 30 sajuźnikaŭ».
Akramia taho, hienieralny sakratar NATA padkreśliŭ, što aljans padtrymlivaje rasśledavańnie vidavočnaj dyviersii na rasijskich hazapravodach «Paŭnočny patok», jakija iduć z Rasii ŭ Jeŭropu pa dnie Bałtyjskaha mora. «Na lubuju naŭmysnuju ataku na krytyčna važnuju infrastrukturu NATA pavinien być dadzieny cviordy i ŭzhodnieny adkaz», — skazaŭ Stołtenbierh.