Z 28 kastryčnika z Maskvy ŭ Minsk budzie lotać łaŭkostar «Pobieda»
Z Maskvy ŭ Minsk budzie lotać rasijski łaŭkostar «Pobieda», paviedamili ŭ avijakampanii. Prodaž kvitkoŭ užo startavaŭ na aficyjnym sajcie. U adzin bok palot budzie kaštavać ad 82 biełaruskich rubloŭ, kali lacieć biez bahažu.
04.10.2022 / 16:15
«Paloty pa hetym maršrucie pačnucca 28 kastryčnika 2022 hoda i buduć vykonvacca z maskoŭskaha aeraporta «Unukava» štodnia», — adznačyli ŭ paviedamleńni.
«Pobieda», pačynajučy z 9 červienia, užo lotaje ŭ Minsk z Sankt-Pieciarburha, rejsy robiacca trojčy ŭ tydzień. Uvohule ž, biełaruskaja stalica — heta na siońniašni dzień adziny mižnarodny kirunak łaŭkostara.
Taksama adrazu dva rejsy z 26 kastryčnika zapuskaje rasijskaja avijakampanija «Uralskija avijalinii». Dabracca bieź pierasadak ź Minska možna budzie ŭ Jekaciarynburh i Pierm. Paloty zapłanavanyja dvojčy na tydzień, pa sieradach i niadzielach, paviedamili ŭ avijakampanii.