Biełaruś atrymaje 1,5 miljarda dalaraŭ ad Jeŭrazijskaha banka raźvićcia
Biełaruś jak udzielnik Jeŭrazijskaha banka raźvićcia atrymaje ŭ 2022-2026 hadach finansavańnie ŭ pamiery 1,5 młrd dalaraŭ ad banka pad kankretnyja prahramy. Pra heta zajaviŭ staršynia praŭleńnia JeABR Mikałaj Padhuzaŭ na sustrečy z premjer-ministram Biełarusi Ramanam Hałoŭčankam.
05.10.2022 / 18:29
U chodzie sustrečy Hałoŭčanka adznačyŭ, što ŭsie papiarednija damoŭlenaści Biełarusi i JeABR vykananyja ŭ poŭnym abjomie, a siońnia havorka idzie ab naroščvańni inviestavańnia bankam biełaruskaj ekanomiki. Hałoŭčanka taksama paviedamiŭ, što Biełaruś hatovaja prapanavać JeABR dla finansavańnia śpiecyjalna adabranyja prajekty. I vykazaŭ upeŭnienaść, što jany vykličuć cikavaść u banka.
Sa svajho boku, Mikałaj Padhuzaŭ nahadaŭ, što Biełaruś — paŭnapraŭny ŭdzielnik banka, a zhodna z krainavaj stratehijaj JeABR da 2026 hoda praduhledžana vydzialeńnie Respublicy inviestycyj u pamiery 1,5 młrd dalaraŭ. Kiraŭnik JeABR zapeŭniŭ: «Uvaha da našaha biełaruskaha akcyjaniera budzie samaja vysokaja».
Dla paraŭnańnia: Armienija, Kyrhyzstan i Tadžykistan atrymajuć ad banka sumarna 0,5 młrd dalaraŭ, a Rasija i Kazachstan — pa 3,8 młrd dalaraŭ.