Palitźniavolenaha frezieroŭščyka MTZ asudzili na 1,5 hoda «chatniaj chimii»
Stała viadoma, što 23 žniŭnia sud Savieckaha rajona Minska vynies prysud palitviaźniu Mirasłavu Sabčuku — siabru niezaležnaha prafsajuza, jaki pracavaŭ na Minskim traktarnym zavodzie. Jaho pryznali vinavatym pavodle art. 342 Kryminalnaha kodeksa i asudzili na 1,5 hoda abmiežavańnia voli biez nakiravańnia ŭ PUAT — «chatniaj chimii». Palitviaźnia vyzvalili ŭ zale suda, piša «Viasna».
06.10.2022 / 20:01
Mirasłava Sabčuka pryznali vinavatym va ŭdziele ŭ adnym z Maršaŭ, padčas jakoha jon «dziejničaŭ uzhodniena z hrupaj asobaŭ». Jahonyja dziejańni nibyta paciahnuli za saboj parušeńnie pracy transpartu. Znachodziačysia ŭ Minsku, pa viersii abvinavačańnia, palitviazień vykrykvaŭ łozunhi, demanstravaŭ pratesnyja simvały i płakat.
Mirasłaŭ pryznaŭ vinu i raspavioŭ, što pryniaŭ udzieł u Maršy z udziełam supracoŭnikaŭ MTZ. Dokazam pa spravie prachodzili videa i fotazdymki palitviaźnia, jakija byli zroblenyja padčas mierapryjemstva.