U Izraili znajšli skarb VII stahoddzia z čystaha zołata
Padčas raskopak u staražytnym horadzie Banijas archieołahi znajšli ŭ ścianie 44 vizantyjskija maniety z čystaha zołata, jakija datavali VII stahoddziem. Chutčej za ŭsio, skarb schavali ŭ 635 hodzie, kali ŭ rehijon pryjšli musulmanie-zavajoŭniki, piša Bi-bi-si.
07.10.2022 / 22:07
Ahulnaja vaha maniet — 170 hramaŭ. Niekatoryja ź ich adčakanili pry vizantyjskim impieratary Fłavii Foku, jaki kiravaŭ u pieršaje dziesiacihoddzie VII stahoddzia, ale bolšaść — pry jahonym pierajemniku Iraklii I.
Ekśpierty ličać, što skarb dapamoža lepš zrazumieć abstaviny musulmanskaj zavajovy terytoryi ciapierašniaha Izraila i pakidańnia Vizantyjaj hetaha rehijona.
«Lohka ŭjavić, jak uładalnik chavaŭ svaju majomaść ad vajny, spadziejučysia viarnucca i zabrać svajo bahaccie. Ale my ŭžo viedajem, što jamu nie pašancavała», — skazaŭ kiraŭnik raskopak Joaŭ Lerer.
Akramia załatoha skarbu, archieołahi znajšli ŭ hetym kvartale staražytnaha horada bronzavyja maniety, ruiny budynkaŭ, frahmienty kanałaŭ i vadapravoda.
Horad Banijas viadomy chryścijanam tym, što mienavita tut Isus Chrystos skazaŭ apostału Piatru: «I na skale hetaj uźviadu Carkvu svaju».