«Razharnuli rehijanalnuju hrupoŭku pa poŭnaj». U sacsietkach aburylisia palicami, zabitymi rasijskimi syrami. Pa kaśmičnych cenach
U sacsietkach źviarnuli ŭvahu na toje, što pry abmiežavanym vybary syroŭ biełaruskaj vytvorčaści palicy łomiacca ad rasijskich syroŭ. Pretenzii biełarusaŭ vyklikała nie tolki pytańnie jakaści nieviadomaj praducyi — heta ŭsio padrobki pad jeŭrapiejskija hatunki, ale i ceny na jaje.
13.10.2022 / 11:47
«17 vidaŭ syra ź cvillu i vytrymanych u Hippa. Usio — rasijskaj vytvorčaści», — napisaŭ adzin ź minčukoŭ.
Jaho padtrymali inšyja.
«My byli ŭ Karonie, kamamber šukali… palicy zabity, syr na 99,9% rasijskija».
«Nie chočacca i raźbiracca, što jadomaje, a što aŭno».
«Cvil utvaryłasia naturalnym šlacham?» — pytajecca jašče adzin. «Biełaja pry Piatry I, zialonaja — u časy nikanijanskaha raskołu», — žartuje treci.
«Ceny za štuku?» — nie moža pavieryć takoj darahoŭli biełarus, jaki žyvie za miažoju.
«A dzie ž biełaruski syr, jakoha było šmat?!» — aburajecca jašče adzin čałaviek.
«U Polščy polskija kamambery pa 2—3 rubli ŭsiaho, blin (((( heta žeść, kaniečnie», — dadaje jašče adzin biełarus-emihrant.
«Razharnuli rehijanalnuju hrupoŭku pa poŭnaj», — reziumuje niechta.