Śviatara Uładzisłava Bahamolnikava znoŭ asudzili, užo čacviorty raz
Pra čacviorty sud nad pravasłaŭnym śviataram Uładzisłavam Bahamolnikavym paviedamlaje «Chryścijanskaja vizija». Ciapier jaho buduć utrymlivać za kratami jak minimum 59 sutak.
14.10.2022 / 21:12
Bahamolnikaŭ pavinien byŭ vyjści siońnia na volu paśla 44 dzion, ale stała viadoma, što jon byŭ znoŭ asudžany na 15 sutak.
Nahadajem, 31 žniŭnia supracoŭniki HUBAZiK vyłamali dźviery ŭ kvateru śviatara i zatrymali jaho. Viadoma, što ajciec Uładzisłaŭ pierachvareŭ u niavoli na kavid. Pry hetym dla «palityčnych» na Akreścina pieradačy nie prymajuć, tamu jon utrymlivajecca tam bieź nijakich srodkaŭ hihijeny.
Bahamolnikaŭ — vykładčyk Minskaj duchoŭnaj akademii. Jon abviaščaŭ haładoŭku ŭ padtrymku palitviaźnia Ihara Łosika, a taksama słužyŭ liciju pa zabitym siłavikami Ramanu Bandarenku.