Jakija naviny z Chiersonščyny? Vajskoviec u žyvym efiry aryhinalna namiaknuŭ na situacyju
U efiry miedyja «Suśpilnie» viadučy zaŭvažyŭ: zachodnija analityki ličać, što ŭkrainskaja armija zdolnaja advajavać Chierson i viarnuć kantrol nad pravym bieraham Dniapra ŭžo na nastupnym tydni. I spytaŭ u kiraŭnika pres-słužby 63-j asobnaj miechanizavanaj bryhady USU Aleha Zialinskaha, jakaja tam ciapier situacyja.
15.10.2022 / 12:58
«Ja byŭ hatovy da takoha pytańnia, viedaŭ, što vy jaho zadaście. Ale my kamientavać nie možam, — adkazaŭ Zialinski, a ŭ nastupnuju siekundu dastaŭ kavałak kavuna i pačaŭ jaho jeści, paśmichajučysia. — Heta zaraz zabaroniena, dačakajciesia ad Hienieralnaha štaba infarmacyi. Vam usio paviedamiać, i ŭsio budzie Ukraina».
Jak viadoma, Chiersonščyna słavicca svaimi kavunami.
Za apošnija tydni ŭkrainskija vojski prasunulisia na paŭdniovym froncie, viarnuŭšy častku akupavanaj Chiersonščyny.
Ukrainskaja armija prarvała rasijskuju liniju frontu pad Chiersonam na pačatku miesiaca, što stała samym bujnym prasoŭvańniem Ukrainy na poŭdni z pačatku poŭnamaštabnaha ŭvarvańnia Maskvy ŭ lutym.
13 kastryčnika maryjanietkavy kiraŭnik akupavanaj častki Chiersonskaj vobłaści Uładzimir Salda źviarnuŭsia da Pucina z prośbaj dapamahčy z evakuacyjaj žycharoŭ rehijona ŭ inšyja častki Rasii.