KDK zatrymaŭ pracaŭnikoŭ dźviuch internet-kram za rost cen na bytavuju techniku
Kamitet dziaržaŭnaha kantrolu zajaviŭ pra nieabhruntavanaje pavyšeńnia cenaŭ u dźviuch bujnych interniet-kramach, što pradavali pobytavuju techniku.
15.10.2022 / 20:06
Pavodle KDK, kramy parušyli dyrektyvu Alaksandra Łukašenki «Ab niedapuščalnaści rostu cenaŭ» i z 6 pa 12 kastryčnika pavysili razdrobnyja ceny na bytavuju i kampjutarnuju techniku, u tym liku — na televizary, noŭtbuki, płanšety, smarthadzińniki, mabilnyja telefony.
Siaredniaja vieličynia nieabhruntavanaha, na dumku čynoŭnikaŭ, pavyšeńnia cenaŭ skłała ad 10 da 150 rubloŭ, a časam — da 1 tysiačy.
U dačynieńni da dźviuch słužbovych asob interniet-kram pačali kryminalnyja spravy. Jany zatrymanyja.
Ahułam, jak paviedamlaje Hienieralnaja prakuratura, u suviazi z zavyšeńniem cenaŭ u Biełarusi pačali ŭžo 18 kryminalnych spravaŭ, paviedamlaje pres-słužba Hienprakuratury. Sumu škody acanili bolš jak u Br 7 młn. Prakurory ŭžo sankcyjanavali ŭziaccie pad vartu 4 čałaviek.