Čarhovaje dno: prapahandysty pačali publikavać «pakajannyja» videa ź ludźmi, zatrymanymi za pavyšeńnie cenaŭ
Adzinaje adroźnieńnie ad palityčnych zatrymańniaŭ — schavany tvar.
16.10.2022 / 14:51
U navinach na telekanale ANT pakazali siužet pra zatrymańni ludziej za «nieabasnavanaje pavyšeńnie cen» paśla adpaviednaj zabarony Łukašenki.
Paśla demanstrujecca videa, na jakim mužčyna z zamazanym tvaram kaža, što siomaha čysła (na nastupny dzień paśla narady ŭ Łukašenki) naŭmysna pavysiŭ ceny «na hrupu tavaraŭ».
Uvieś siužet pabudavany tak, kab vinavatymi za rost cen u krainie i ekanamičnyja prablemy zrabić kamiercyjnyja struktury, a nie kiraŭnictva krainy. Tyja, naadvarot, pastavili situacyju z cenami na asablivy kantrol.
Dyktarka kaža, što ŭ Biełarusi zaviedzienyja 18 kryminalnych spraŭ, pa jakich zatrymanyja čatyry słužbovyja asoby. U dačynieńni da astatnich prymajecca rašeńnie pa miery strymańnia.