Zatrymali akciora i ŭładalnika fotastudyi
Mužčyna zdymaŭsia ŭ masoŭcy roznych sieryjałaŭ, a taksama ŭ filmie «My braty / Kod Kaina».
17.10.2022 / 17:51
Dzianisu Nikiciku 44 hady. Mužčyna zajmajecca roznym sportam — umieje fiechtavać, jeździć na kani i nyrać z akvałanham. U Minsku jon maje fotastudyju «Fiełamiena», jakaja mieścicca na vulicy Kazinca.
Dzianis Nikicik. Fota: sacsietki
Dzianis doŭhi čas zdymajecca ŭ filmach, sieryjałach i rekłamie. Ahułam na rachunku mužčyny bolš za 30 rolaŭ. Jon paśpieŭ paŭdzielničać u takich ruskich sieryjałach, jak «Kamienskaja», «Muchtar. Novy śled», «Ptuška ščaścia», «U lipieni 41-ha» i dziasiatku inšych.
Razam z akcioram Dzianisam Paninym. Fota: sacsietki
U Biełarusi mužčyna źniaŭsia, siarod inšaha, u filmie «My braty / Kod Kaina». Heta biełaruska-amierykanski prajekt, jaki častkova finansavaŭsia biełarusim uradam. U adnoj sa scenaŭ filma ŭdzielniki imitavali pratesty suprać falsifikacyi prezidenckich vybaraŭ 2010-ha. Masoŭcy zabaranili kryčać «Žyvie Biełaruś!», ale dazvolili «Niešta nie tak!» — i heta naradziła adnajmienny miem.
Dva dni tamu ŭ praŭładnaj hrupie, jakaja supracoŭničaje ź siłavymi strukturami Biełarusi, źjaviŭsia dopis pra toje, što Dzianis, byccam by, žyvie ŭ Polščy, a ŭ Biełarusi pa viartańni na jaho budzie zaviedzienaja kryminalnaja sprava. Praŭda, apynułasia, što mužčyna byŭ u Biełarusi, jaho zatrymali.
Jamu zakidajuć udzieł u akcyjach pratestu i pakidańnie kamientaroŭ u internecie.