«Biełdarcentr» zakryŭ dostup da sotniaŭ darožnych kamier
Toje, što RUP «Biełdarcentr» zakryŭ dostup da sotniaŭ darožnych kamier, zaŭvažyŭ «Fłahštok».
22.10.2022 / 16:26
Jak paviedamlaje vydańnie, 20 kastryčnika «Biełdarcentr» adklučyŭ dostup da kamier nazirańnia na pahodnym servisie windy.com.
Vyjavy kamier abnaŭlalisia 1 raz u hadzinu i dazvalała aceńvać stan darožnaha pakryćcia na ŭsich asnoŭnych darohach Biełarusi. Pieršapačatkova kamiery byli dastupnyja na sajcie i.cientr.by, adnak u pačatku vajny hetaja funkcyja była adklučanaja, piša «Fłahštok».
Bolš čym za miesiac da pačatku vajny Dziaržpamiežkamitet prybraŭ dostup da kamieraŭ na ŭjeździe i vyjeździe ź biełaruskich pamiežnych pierachodaŭ — 14 studzienia pieršymi byli adklučanyja kamiery na miažy z Ukrainaj, adznačaje vydańnie.