Ździejśnieny napad na dom Nensi Pełosi, jaje muž paranieny
Ranicaj 28 kastryčnika nieviadomy ŭvarvaŭsia ŭ dom śpikiera Kanhresa ZŠA Nensi Pełosi ŭ San-Francyska i napaŭ na jaje muža Poła Pełosi, paviedamiła pres-słužba palityka.
28.10.2022 / 17:06
Nensi i Poł Pełosi
82-hadovy Poł Pełosi byŭ paranieny i paśla špitalizavany. Jak paviedamlajecca, pahrozy jahonamu žyćciu niama, ale traŭmy davoli surjoznyja. Lekary rabili jamu apieracyju, vypraŭlajučy nastupstvy pierałomu čerapa i surjoznych traŭmaŭ pravaj ruki i kiści.
Samoj Pełosi doma ŭ hety čas nie było.
Napadnik zatrymany, jahonaja asoba i matyvy dziejańniaŭ vyśviatlajucca.